قلات :چوری میں ملوث ملزمان گرفتار،مسروقہ سامان برآمد

قلات:چوری میں ملوث ملزمان گرفتار،مسروقہ سامان برآمد

*قلات(bnc.pk) پولیس نے کامیاب کارروائی کرتے ہوئے گزشتہ روز واردات میں ملوث چور گرفتار اور مسروقہ سامان برآمد کر لیا ۔ پولیس ذرائع کے مطابق 18 فروری کو دکاندار نذیر احمد نے اطلاع دی کہ گزشتہ رات نامعلوم چوروں نے اس کی دکان مین آر سی ڈی روڈ کے تالے توڑ کر گھی صابن سگریٹ اور کچھ نقدی چرا کر کے لے گئے۔جس پر ایس پی قلات کی ہدایت پر ڈی ایس پی / ایس ڈی پی او کی نگرانی میں قائم مقام ایس ایچ او ودیگر پر مشتمل ٹیم نے مخبر کی اطلاع پر چھاپہ مار کر ملزم محمد اسلم کو گرفتار کر کے اور اس کے انکشاف پر ملزم مہراللہ کو گرفتار کیا جس کے انکشاف پر مسروقہ اشیاء اور نقد رقم برآمد کی گئی اور واردات میں استعمال ہونے والےآلات ،پلاس کٹر اور پانے بھی برآمد کئے گئے ۔ ملزمان کے انکشاف پر ان کی دیگر دو ساتھیوں کی گرفتاری کیلئے کوششیں جاری ہیں ۔ ملزمان چوری شدہ سامان منگچر و مستونگ بیچنے کیلئے لے جاتے تھے ۔ملزمان سے مزید تفتیش جاری ہے۔*