میٹرو پولیٹن کارپوریشن کے اثاثوں کا از سر نو ٹینڈر کیا جائے‘ ورکرز ایسوسی ایشن
*کوئٹہ(اسٹاف رپورٹر)آل بلوچستان میونسپل ورکرز ایسوسی ایشن بلوچستان کے زیراہتمام ملازمین کو تنخواہوں کی عدم ادائیگی کے خلاف بدھ کو میٹرو پولیٹن کارپوریشن کے احاطے میں مظاہرہ کیا گیا ، مظاہرے سے ایسوسی ایشن کے صدر رحیم بلوچ ، جنرل سیکرٹری ندیم کھوکھر و دیگر نے خطاب کرتے ہوئے کہا کہکارپوریشن بدعنوانی کی آماجگاہ بن چکی ہے ، ملازمین کو تنخواہیں ادا نہیں کی جارہی ہیںاگر کارپوریشن کے اثاثے درست استعمال میں لائے جاتے تو کارپوریشن کے ملازمین سو دن سے احتجاج پر نہ ہوتے ۔ انہوں نے کہا کہ ہم نے صوبائی حکومت کو اس بارے میں کئی بار آگاہ کیا لیکن نہ ہی چیف سیکرٹری اس کا نوٹس لے رہے ہیں اور نہ ہی سیکرٹری لوکل گورنمنٹ اس پر توجہ دے رہے ہیں انہوںنے مطالبہ کیا کہ میٹروپولیٹن کارپوریشن کے اثاثوں جن میں بکرا منڈی ، گاڑیوں اور موٹر سائیکل پارکنگ ، اور دیگر اثاثوں کا ازسر نو ٹینڈر کیا جائے۔*