موجودہ بحرانی کیفیت کے ذمہ دار عمران کومسلط کرنیوالے بھی ہیں ،مولاناحیدری
*کوئٹہ ( آئی این پی ) جمعیت علمااسلام کے مرکزی جنرل سیکرٹری سینیٹر مولانا عبدالغفور حیدری اور پاکستان ڈیموکریٹک موومنٹ کے مرکزی ترجمان و سابق سینیٹر مولانا حافظ حمداللہ نے کہاہے کہ ماضی میں وزیراعظم ہاوس کرپشن اور کمیشن کی منڈی رہا۔ کرپشن کے خاتمے کے دعویدار کرپشن کے بے تاج بادشاہ ثابت ہوئے۔ تاریخ میں پہلی بار کرپشن کیلئے بھی دلال رکھے گئے ، ملک کی موجودہ بحرانی کیفیت کے ذمہ دار سابق حکومت کے ساتھ انہیں مسلط کرنے والے بھی ہیں ۔ الیکشن کا فیصلہ ملکی حالات کو دیکھ کر کرینگے ۔ ان خیالات کااظہار انہوں نے جامعہ دارالعلوم عثمانیہ رحیم یارخان کے زیراہتمام منعقدہ عظیم الشان سالانہ دستار فضیلت کانفرنس سے خطاب کرتے ہوئے کیا ۔ کانفرنس سے جمعیت علما اسلام کے ضلعی امیر مولانا خلیل الرحمن ضلعی جنرل سیکرٹری مولانا فتح اللہ اور دیگر رہنماں و مقامی علمائے کرام نے بھی خطاب کیا ۔ انہوں نے کہا کہ ماضی میں وزیراعظم ہاوس کرپشن اور کمیشن کی منڈی بنا رہا۔ کرپشن کے خاتمے کے دعویدار کرپشن کے بے تاج بادشاہ ثابت ہوئے تاریخ میں پہلی بار کرپشن کیلئے بھی دلال رکھے گئے ، ملک کے موجودہ بحرانی کیفیت کے ذمہ دار سابق حکومت کے ساتھ ساتھ انہیں مسلط کرنے والے بھی ہیں الیکشن کا فیصلہ ملکی حالات کو دیکھ کر کرینگے ۔ انہوں نے کہاکہ انقلاب ناچ گانوں سے نہیں قربانیوں سے آتے ہیں۔ جنکا انقلابی مشن ایک ہوائی فائر سے پنکچر ہوتا ہو یہ انقلاب نہیں۔جھوٹ اور ڈرامے بازیاں ناکام ہونے کے بعد عوامی ہمدردی کیلئے پلستر اور لنگڑے پن کا ڈرامہ رچایاگیا۔ انہوں نے کہاکہ عمرانی حکومت نے ملک کو بند گلی میں دھکیل دیا ہے آئی ایم ایف کے ساتھ سخت معاہدے کرکے ہاتھ پاوں باندھ دئیے گئے ہیں۔*