پنجگور اور نوشکی حملہ،7سیکورٹی اہلکار جاں بحق ، آئی ایس پی
ار
*کوئٹہ:پاک فوج کے شعبہ تعلقات عامہ آئی ایس پی آر نے کہا ہے کہ نوشکی اور پنجگور میں سکیورٹی فورسز کے آپریشن کے دوران 13 حملہ آور ہلاک ہوئے۔آئی ایس پی آر کے مطابق گزشتہ رات حملے پسپا کرنے کے بعد سکیورٹی فورسز نے کلیئرنس آپریشن کیا، کلیئرنس آپریشن مفرور حملہ آوروں کی تلاش کے لیے تھا۔شعبہ تعلقات عامہ کے جاری بیان کے مطابق پنجگور میں اب تک 4 حملہ آورمارے جا چکے ہیں سکیورٹی فورسز کا آپریشن جاری ہے، 4 سے 5 حملہ آوروں کے خلاف گھیرا تنگ کر لیا ہے۔آئی ایس پی آر کے مطابق پنجگور میں شدید فائرنگ کے دوران پاک فوج کے 3 جوانوں جاں بحق ہوے اور 4 فوجی زخمی ہیں۔پاک فوج کے شعبہ تعلقات عامہ کے مطابق نوشکی میں مجموعی طور پر 9حملہ آ ور مارے گئے ۔آئی ایس پی آر کے مطابق ابتدائی تحقیقات میں یہ بات سامنے آئی ہے کہ حملہ آوراور ان کے ہینڈلرز بھارت اور افغانستان سے رابطے میں تھے۔*