*صدرمملکت ڈاکٹرعارف علوی سے آرمی چیف جنرل قمرجاوید باجوہ کی ملاقات*
*اسلام آباد:صدرمملکت ڈاکٹرعارف علوی سے آرمی چیف جنرل قمرجاوید باجوہ نے ملاقات کی۔ ملاقات میں آرمی چیف نے پیشہ ورانہ تیاری اور دہشتگرد عناصر کے خلاف اقدامات پر بریفنگ دی اور ملک سے متشدد عناصر کے خاتمے کے عزم کا اعادہ کیا۔ میڈیا رپورٹس کے مطابق ترجمان ایوان صدر کا کہنا ہے کہ صدر مملکت ڈاکٹر عارف علوی سے آرمی چیف جنرل قمر جاوید باجوہ نے ملاقات کی۔ملاقات میں قومی سلامتی اور علاقائی صورتحال پر تبادلہ کیا گیا۔ آرمی چیف جنرل قمر جاوید باجوہ نے پیشہ ورانہ تیاری اور دہشتگرد عناصر کے خلاف اقدامات پر بریفنگ دی۔ آرمی چیف جنرل قمر جاوید باجوہ نے ملک سے متشدد عناصر کے خاتمے کے عزم کا اعادہ کیا۔ صدر مملکت ڈاکٹر عارف علوی نے نوضم شدہ اضلاع میں آپریشنز میں جان کا نذرانہ پیش کرنے والے جوانوں کو خراج عقیدت پیش کیا۔صدر مملکت عارف علوی نے کہا کہ قوم کو مسلح افواج کی قربانیوں پر فخر ہے، مسلح افواج نے مشکلات کے باوجود ملکی سرحدوں کا دفاع کیا۔*