سبی میلہ مویشیاں و اسپاں شایان شان طریقے سے منایا جائیگا،ڈپٹی کمشنر
*سبی(bnc.pk)ڈپٹی کمشنر سبی منصور احمد قاضی نے سالانہ سبی میلہ مویشیاں واسپاں کی تیاریوں اور سیکورٹی انتظامات کے حوالے سے زرعی نمائش سمیت مختلف مقامات کا دورہ کیا ان کے ہمراہ چیف افسر سبی محب اللہ بلوچ، ایس ڈی او میر کامران اسلم مری ،ڈپٹی ڈائریکٹر زراعت میر سعیداللہ مری،ڈی ایچ او ہیلتھ ڈاکٹر محمد اکبر سولنگی اور دیگر بھی تھے ڈپٹی کمشنر سبی منصور احمد قاضی نے کہا کہ سبی کا چار روزہ سالانہ تاریخی میلہ شایان شان طریقے سے منایا جائے گا، سبی میلہ عوام کو سیر و تفریح کے مواقع فراہم کرنے کے ساتھ علاقائی و صوبائی معیشت پر بھی اچھے اثرات مرتب کرے گا انہوں نے کہا کہ سبی میلے کے دوران سیکورٹی کے فل پروف انتظامات کئے جائیں گے عوام میلے کے دوران سیکورٹی اداروں کے ساتھ تعاون کو یقینی بنائیں ۔*