این اے 265میں پرانے نمائندوں کوآزمانا دانشمندی نہیں ‘ زیرے
*کوئٹہ (بی این سی نیوز بلوچستان)پشتونخوامیپ کےاین اے 265 کوئٹہ سٹی سے نامزد امیدوار پارٹی کے صوبائی صدر ایم پی اےاللہ خان زیرے کی زیر صدرات پشتونخوامیپ این اے 265 کوئٹہ سٹی سے مربوط علاقائی یونٹوں کے سیکرٹریز اور دیگر ذمہ داران کا اجلاس مرکزی سیکرٹریٹ کوئٹہ میں ہوا اجلاس میں صوبائی ڈپٹی سیکریٹریز حاجی علی محمد ترین ،ندا سنگر،عبدالرزاق بڑیچ اور احسان آغا نے خصوصی طور پر شرکت کی اور حلقے سے منسلک صوبائی اسمبلی کے حلقوں پی بی 27 ،پی بی 28 اور پی بی 29 کی سطح پر آرگنائزنگ کمیٹیاں بنائی گئیں جو اپنے اپنے حلقوں میں مربوط نظم و ضبط اور ووٹر سے بلا تاخیر رابطے اور اس کے ساتھ فی الفور انتخابی دفاتر کے کھلنے اور ووٹرزلسٹ پر کام کرکرینگی شرکاء نے حلقوں میں انتخابی مہم شروع کرنے پر زور دیا اور کہاکہ اس وقت 22کروڑ عوام نان شبینہ کے لئے مجبورہیں ماضی کے حکمرانوں نے عالمی مالیاتی اداروں سے دھڑادھڑ قرضے لیکر جو بد تر حالت عوام پر مسلط کی اب پی ڈی ایم حکومت نے وہ رہی سہی کسر بھی پوری کردی ہے حکمرانوں نے آئی ایم ایف کے سامنے گھٹنے ٹیک دئیے ہیںاوراپنے نااہلی اور ناکامی کی سزاء عوام کو دے رہے ہیں جس کے باعث لوگوں کوتباہ کن مہنگائی کا سامنا ہے اجلاس میں میں کہا گیا کہ پرانے بشمول پی ڈی ایم کے امیدواروں کو آزمانا کسی طور پر بھی دانشمندی نہیں عوام پشتونخوامیپ کے امیدوار نصراللہ خان زیرے کے حق میں اپنا قیمتی ووٹ استعمال کریں۔*