الیکشن کمیشن نے قومی اسمبلی کے حلقہ این اے 265پر انتخابات کے شیڈول کا اعلان کردیا
*کوئٹہ: الیکشن کمیشن آف پاکستان نے بلوچستان کے قومی اسمبلی کی نشست این اے 265 کوئٹہ 2 میں 16 مارچ 2023 کو ضمنی انتخابات کا اعلان کردیا۔ شیڈول کے مطابق 3 فروری کو ریٹرننگ افسران پبلک نوٹس جاری کریں گے۔ 6 سے 8 فروری تک کاغذات نامزدگی جمع کرائے جاسکیں گے، 9 فروری کو کاغذات نامزدگی جمع کرانے والے امیدواروں کی فہرست شائع اور 13 فروری تک ان کاغذات کی جانچ پڑتال کی جائیگی۔ریٹرننگ افسران کی جانب سے کاغذات نامزدگی کی منظوری یا مسترد ہونے کے خلاف اپیلیں 16 فروری تک *متعلقہ ایپلیٹ ٹرائیبونل کے پاس جمع کرائے جاسکیں گی۔ ایپلیٹ ٹربیونل کی جانب سے ان اپیلوں پر فیصلہ 20 فروری تک کیا جائیگا 21 فروری کو امیدواروں کی نظرثانی شدہ فہرست جاری کی جائیگی22 فروری تک کاغذات نامزدگی واپس لئے جاسکیں گے۔ 23 فروری 2023 کو امیدواروں کی حتمی فہرست جاری اور انہیں انتخابی نشانات الاٹ کئے جائینگے جبکہ پولنگ 16 مارچ 2023 کو ہوگی
۔*