شب معراج بہت بڑا معجزہ ہے ، جام کمال
*او تھل (این این آئی) سابق وزیر اعلیٰ بلوچستان جام کمال خان عالیانی نے شب معراج کی بابرکت رات کے حوالے سے کہا ہے کہ واقعہ معراج پوری بنی نوع انسان کیلئے بہت بڑی بشارت ہے اور تمام مسلم امہ کے لئے مشعل راہ ہے ۔ جام کمال خان نے کہا کہ 27 رجب کی رات کو معراج النبی سے نسبت ہے۔ واقعہ معراج البنی کو ایک معجزے کی حیثیت حاصل ہے۔ اس رات اللہ تعالیٰ نے اپنے پیارے نبی حضرت محمد صلی اللہ علیہ والہ وسلم کو زمین سے عرش معلی تک لے گئے۔ انہوں نے کہا کہ بے شک واقعہ معراج انسانی تاریخ میں ایک ایسا معجزہ ہے جو پوری نوع انسانی کیلئے بہت بڑی بشارت ہے۔*