نواں کلی میں تجاوزات کی بھرمارریڑھی بانوں نے سڑک پر قبضہ کرلیا
*کوئٹہ(بی این سی نیوز بلوچستان)نواں کلی میں تجاوزات کی بھرمار،ریڑھی بانوں نے سڑک پر قبضہ کرلیا،لوگوں کو آمد و رفت میں دشواری کا سامنا تفصیلات کے مطابق گنجان آبادی والے علاقے نواں کلی کے پہلے اسٹاپ سے آخری اسٹاپ تک تجاوزات کی بھر مار ہے ریڑھی بانوں نے سڑک کے دونوں اطراف قبضہ کر رکھا ہے جس کی وجہ سے ٹریفک کی روانی کا نظام بری طرح متاثر ہوتا ہے جبکہ لوگوں کا پیدل چلنا بھی دشوار ہوکر رہ گیا ہے اہل علاقہ نے مطالبہ کیا ہے کہ فی الفور تجاوزات کا خاتمہ کیاجائے صفائی کی صورتحال بہتر بنائی جائے اور علاقے میں ٹریفک کی روانی برقرار رکھنے کیلئے مزیداہلکار تعینات کیئے جائیں۔*